-->

lunedì 2 novembre 2015

Maurizio - Maciste - Ausa la Pera. Al Rè ad Porta Pila a la Duminica ad matin.

Mi iera propi an gagnu, e an fasia anche an pò paua, ma me Pare ai piasia purteme a veddlu Maurizio - Maciste - Ausa la Pera. 
Partiu da Setu a la duminica ad matin, prima me Pare a sfasia n gir al Bar Cavallo, darera al MaterFer andua a ruscava, pòii amnisiu a Porta Pila e chiel a lera già li, ca dasia fora ad mat, ma a fasia mai dal mal a gnun , mac ca braiava, a beiivia al wisky da na buta,  si tlu cunusie nen, at pudia sembrete un pò "sui generis".
Iera niente dal genre, per tut al Piemunt, e poi a la via na forsa, ma na forsa, che per mi, a lera prope l'omu pi fort dal mund.
A sfidava la gent ca guardava, ad ausè la Pera, ca l'era an rucasun ca a sara peisà pi che 130 kg,  a le volte sa piava dui filure a riusiu gnanca ad auselu, e chiel cai piavan gir.
Prima d'ause la pera, a sciapava la cadena, cun al "torace", a lavia an bel casiot per fe stu numer, en ricordu che prima a fasia cuntrule la cadena a tuti, anche a nui gagnu, pòii as legava da sul, cumen salam, cun an toc da strass antle man per fese nen mal, e poi as piegava an poc, per campe via l'aria, che a ripiava dopu a pieni pulmun as gunfiava al casiot a diventava rus cumen peperun , e la cadena sa sciapava sempre, tintinnand per la piasa.
Li a piava già an pò ad sold, la gent i campava par tera le munede... ma tuti a spetau la Pera.


A iera mac na foto an poc sbiancà, e alura vist che fas al pitur e lai ritucà la foto e lai ridisegna Maurizio - Maciste - Ausa la Pera.  L'ai falu pi gros, perchè mi iera cit e mlu ricordu pi gros, chen tla foto uriginal. 
 Poi lai curulaie le braie, e lai butaie na corda per tennie su, a torso nudo, e sempre spennà. Maurizio a fasia ampresiun, a lera n'Artista da Strà , ma per mi a l'era al Re ad Porta Pila, e a la fin, la Pera a la Ausava da bun, e dopu a la tenia cun mac na man, cume n'tla foto. Me Pare ai piasia la spetacul e an dasia sempre al sold da campeie a Maurizio, ma mi curia a butelu an tal caciot, ca lasava per tera, forse per na furma ad rispet a man dasia nen ad campelu per tera.
En ricordu che poi sun chersù e chiel a sun amnuie i cavei e la barba bianc, ma la Pera a l'ausava sempre, anche se la gent a disia che i la fasia pi nen, chiel a mulava nen, beivia mac ad po ad pi, forse, poi an di a le pi nen amnu. 
Porta Pila senza ad chiel, la duminica a  le pi nen la stesa roba, sensa sue bambole, a le mac na piaza dan mercà voida e scunsulà sensa pi nen. al sò  Rè.
Se vuoi ulteriori Botizie di Maurizio - Maciste - Ausa la Pera. 
 Flavio Fassio


pittore - inventore - blogger

Ricerca nuovi territori d'Arte attraverso
           il Visual Story Telling.

 Dipinge Video come un tempo i  Pittori le tele dei Quadri  o gli Affreschi sui Muri.

Clicca sulle mie Identità Digitaliplease Seguimi...e condividimi Grazie!!!

© Ceci n'est pas un "Quadro". | Powered by Blogger | Design by Enny Law - Supported by IDcopy