-->

martedì 10 novembre 2015

Al Giogh dlè Sinch Nus...

I giogh ad na volta, quanche ieru cit, la mia generasiun e laviu poc, per gioghe, ma ieru sempre ensema tra d' nui an tla curt o per la strà e al'ura a sanventavu di giogh da nui, o quaiche cos che l'aviu amparà da iautri pi grand.

Prima cas perda la memoria, e lai fave an disegn cui numer, parei ades e polu spiegheve cume giugavu  nuiautri a Setu, Settimo Torinese a ca mia Via Vercelli 22.


Al Giogh a dle Sinch Nus.







Dunque, prima ad gioghe ed duvie mangete cume minim sinch persi e tente la nus. feje seche pulideje da le frise ad persi e da le filure  e purtetie darera an tla tasca.

Poi duvie truvè naut gagnu da sfidè, ma  l'era nen an prublema, tuti  l'aviu le nus an tasca, e sa i'aviu nen,  pudiu giughe cun le tue, anche se tuti  preferiu gioghe cun le proprie nus, per nà quistiun d'abitudine e ad man granda e man cita, cat fasia serne le nus grande o cule cite.

Gioghe a l'era facil, sat tucava a ti, pudie gioghe finche e ta sbaiave nen, poi a tucava a l'aut, al to aversari.

Regole, al giogh a dle sinch nus as giogha cun na man sula, ca campava la nus a n'aria e a pia i'aute e poi a ripia cula ca casca, pase a la mossa sucessiva, se a casca niente an tera e set rispete le mosse di vari Gir, altrimenti  tuca a l'aut.

Ad ogni Gir ed deve tire le cinch  nus per tera, e a val nen tireie trop pian, ma a deu spataresse per da bin, se ti tire trop pian al tò aversari a ciama ad tireie turna, e d'fè nen la stasi, che chiel a la ne scrivù Jo Condor an tla frunt e gnanca Sali & Tabacchi.

Elench ad dle mosse da fè cul le Sinch Nus:

Prim Gir Facil:  Duvie pie la nus numer 1, campela n'aria cul la man e mentre ca vola pie sempre cun la stesa man n'auta nus, es. la 2, poi pie la nus, can tal mes an caminava a casche, sempre cun la stesa man, ca a la gia an man la 2. ala fine e duvie avei an tla man due nus la 1 e la 2. posa la due e fa la stesa cosa per 3 e 4, se at casca mai gnente per tera las fai al Prim gir Facil.

Secund Gir an poc pi dificil: Pia sempre la nus numer1 , tla campe n'aria e mentre ca vola , ciapa dui nus, es. la 2 e la 3 ansema. poi sempre cun la stesa man , ciapa cula ca le li ca casca, a la fin e deve truvete cu tre nus an man, posa la 2 e la 3 e ripet la storia con 1-4-5.

Ters Gir:  Ancamina a fesi dura, Pia la nus numer 1, campla a n'aira e recupera tre nus al 2-3-4 poi ciapa anche cula ca a le li ca casca per tera se tla pie nen tì. se ti la fase an tla man a lè restate le nus 1.2.3.4 posa 2.3.4. e pia la 5 cume per al prim gir.

Quart Gir  Dificil: Pia sempre la nuer 1, campla a n'aria e recupera lestu lestu le altre nus per tera 2-3-4 e 5 tute en sema e poi pia ancura cula ca le li ca casca per tera. Se a la fin e tlas 5 nus an man pole pase a l'ultim gir...

Quint Gir Verament Dificil: Pia la nus numero 1, campla a n'aria e pia la 2, poi campa n'aria la 1e2 e pia la 3 , poi campa n'aria la 1e2e3 e pia la 4, poi campa n'aria la 1e2e3e4 e pia la 5 se a la fin a le nel cascate niente et se tlas 5 nus an tla man, la vinciù ti, et pole feie fe na penitensa al tò aversari.

Al gioch a lera propi bel e stagiunal, perchè a duviu esie i Persi da mangiè, quan ca fasia trop caud per gioghe a balun,  truvavu qualche bel post a l'umbra e partiu a gioghe.
A ieru sempre ad discusiun perchè a ieru cui ca fasiu i furb e a tiravu pian, per avei le nus facili da piè.

Praticament a l'era an gioch ad curdinasiun e quad che tan parave,  et guardave le nus prima da pieje ma poi duvije pieje , senza guardè perchè la nus da guardè a l'era cula ca vulava.

Mi mudestament a iera an Mago, cun le sinch nus e ammnisiu da iaute curt a sfideme, ma jera niete da fè,  mi cun le le cinch nus oltre che Mago e jera anche an Super Barbis, e l'ai finì, mia lunga carriera ad giugadur anbatù, e se i foisa na "All of Fame" dle "Sinch Nus" cume an America a je cula dal Basket, dal Baseball, dal Football e dl'Ice Hockey, al 'ura e tuca che i bute mia foto.


Flavio Fassio Mago e Super Berbis dal Giogh dle Sinch Nus, foto per la All of Fame, #Torino #ArtDigitaleèilFuturo
Sperand che la storia au sia ad vostr gradiment, eu salutù tuti, cun mia facia suridenta tra le le Sinch Nus  dla mia Storia, suta eu butu i mei riferiment dal ueb per parlene cun i'Amis.
Che a  je stu "fenomeno" d'pitur ad Turin, ca l'en ventase da scrive di storie n'Piemunteis tant per divertise e per ricurdese, d'na volta quanche  cun niente es divertiu cume d' mat.




 
pittore - inventore - blogger

Ricerca nuovi territori d'Arte attraverso il Visual Storytelling.
 

Dipinge Video come un tempo i    Pittori le tele o i muri.



 Clicca sulle mie Identità Digitaliplease Seguimi...e condividimi Grazie!!!                 


© Ceci n'est pas un "Quadro". | Powered by Blogger | Design by Enny Law - Supported by IDcopy